تعال شوي

موضوع: تعال شوي السبت أغسطس 21, 2010 2:33 pm

تعال شويّ ..

يبس غصن الغلا .. بعدك
بليّا ريّ ..

تعال شويّ

أسولف لك عن أعضاء .. القلق
يوم أستقرت .. بيّ

تعال شويّ ..

يدق الباب .. وأغمض وأترك إيديني
تضيع بعالم الأغراب

ولا أفتح ..
ولا أرتاب ..

ويخنقني براح .. إيديّ

تعال شويّ ..

وشوف إن كانت الطرقه .. تودي لك
وسولف للسكك .. ملّت
تحذف خطاي
وأتجي لك ..

..

تنادي لك ..
بكيتك .. ما أحد وياي
أنا والليل .. ودموع الشعر والناي
ندوّر عن بقايا .. ضي

تعال شوي ..

لأن التّبغ .. زفر بك عن ضجيج
الدّور
لأن النّبغ .. سكر بك أخر أفكار
إنقطاع النور ..
لاني حيل أنا .. مقهور
أغرس بغيبتك .. بذر الملاقى بك
ولا أحصد شي ..؟؟

تعال شوي ..

ولا يهون الهلك ../.. جيتك يساورنـي ../.. حنيـن الضـيّ
أعد من الظلام ../.. أطول مسافـه ليـن ../.. أوصـل لـك
أحسب إن البطى ../.. ضحكة جفـاف ../.. ويستثيـر المـيّ
وأثاري الشمس ماتشـرق ../.. تخـاف يهينهـا ../.. ظلّـك
رميت النـرد للتربـه ../.. وضاعـت بالتـراب ../.. إيـديّ
ضحكت ../.. وماحشمـة الدمعـه إللـي ../.. ملّـت تجلـك
تفائلت ../.. السما زرقـا ومالـت ../.. ليـن مـات الفـيّ
وعـاودت أرسـم أحلامـي ../.. بدمعـي كـل مـا أهـلّـك
ولا يهون الزعل ../.. فارق ../.. كثر ما كنت أبيك ( اهْنَيّ )*
خلاص الدرب ../.. من كثـر الخطـاوي ../.. ملنـي وملّـك
وعد ../.. لو تمطـر الدنيـا وصالـك ../.. مـا تغيّـر بـي
نسيتك بابتساماتك ../.. حلاتـك ../.. ضحكتـك ../.. كلـك
وعد ../.. لو ينغسـل صـدر التـراب ../.. بإلتزامـك لـيّ
لـ... أهين الصّفح ../.. من كثر إستيائي ../.. يوم أنا خلّـك
وعانق ضيقتي لحظـه ../.. تعـرف إن الثوانـي ../.. كـيّ
وعيـش إن كـنـت تتفـائـل ../.. وأفـكـارك تسـوّلـك
ولا يهون التعب ../.. صوّت ورى طيفي ../.. ( تعال شوي )
أبـي لا جفـت حبـال المنـادى ../.. بـس أناظـر لــك
أباضمّد من أوجاعك ../.. جروحـي ../.. وأستلـذ ( الأيّْ )
وأبربـط سيرتـي ../.. كبـوة جـواد ../.. وأرجـع أفلّـك
تعال شوي ../.. أبتشمّـت بجرحـك ../.. دام جرحـك حـي
لعل الدمـع مـن عينـك ../.. إذا حسيـت بـي ../.. ذَلّـك
ولا يهون الغلا ../.. بترك ظلامك ../.. لاجل أعيـش الضـيّ
وأبشفى من الجروح إللـي بقلبـي ../.. ليـن أوصـل لـك

تعال شوي